转帖

第一次買 Enterbay 李小龍,早兩款死亡遊戲及猛龍過江已心郁郁想買,不過價錢太乸利及面相略嫌不足,最終都冇出手.

今次 Enterbay 吸收o左上兩隻經驗,作出o左改良出龍爭虎鬥,而 Enterbay 亦分開 ver A及B 兩款唔同造型出,A款係一代宗師既正常造型,B款係O咀及蘭花手.加上我覺得係李小龍全盛時期,最型最勁最猛既作品,因為早半年已購入Medicom 出品既龍爭虎鬥-李小龍,為免重複及市場小有既寸寸貢既O咀造型,最終我入o左 ver B.

韓國人金彥亨 鬼斧神工既頭雕,暗瘡疤痕一一呈現.

唐裝衫係戲內武道埸比賽造型.

body 活動能力不及301和hottoys,好多起腳pose做唔到,不過可以呈現出李小龍完美肌肉線條,衫褲鞋係高質量製作,及充滿彈性軟膠制雙節棍.

B ver 另外有多一套夜行衣,袋及繩結.

Enterbay 為李小龍開發全實心制 body,相當有份量,亦因為太重,下半身雖然係全九牙關節,我隻figure 但左腳 腳眼,可能生產問題,蝕o左小小位,加上受力太多,頻頻向前仆,已滴AA膠加實關節.

另外要讚一讚Enterbay 售後服務,過農曆年前發現李小龍下爬至頸位有條徽微細裂縫,E-mail去 Enterbay,第二日年廿八 Enterbay 陳先生已拎兩個新頭,去到我屋企附近比我選擇及更換,非常客氣有禮.不過新頭同一位置都有同一問題,詢問過12"型子及其他blog友都發現同一問題,相信全批貨亦一樣.

之前買落一堆,有古天樂,何宗道... 等等扮既擬似李小龍figure,而家終於有隻像樣既李小龍12"figure 收藏.